სადღესასწაულო დღეებში მეტრო და საბაგირო გზა

28.12.2016 01:50

პირველი არხი Georgian Public Broadcaster

არხი

სადღესასწაულო დღეებში მეტრო და საბაგირო გზა „რიყე-ნარიყალა“, ასევე კუს ტბის საბაგირო მოქალაქეებს უფასოდ და შეცვლილი, გახანგრძლივებული გრაფიკით მოემსახურება. ამის შესახებ თბილისის მერმა დავით ნარმანიამ დღეს, თბილისის მერიაში გამართულ მთავრობის სხდომაზე განაცხადა. მისი თქმით, ახალი წლის ღამეს 2016 წლის 31 დეკემბრის 00:00 საათიდან 2017 წლის პირველი იანვრის 04:00 საათამდე, ასევე შობას 2017 წლის 6 იანვრის 00:00 საათიდან 2017 წლის 7 იანვრის 04:00 საათამდე, მეტროთი მგზავრობა უფასო იქნება. ასევე მოქალაქეები უფასოდ შეძლებენ გადაადგილებას საბაგირო გზით -„რიყე-ნარიყალა“ და კუს ტბის საბაგიროთი 2016 წლის 31 დეკემბრის 23:00 საათიდან 2017 წლის პირველი იანვრის 03:09 საათამდე. დავით ნარმანიამ თბილისის მერიის მთავრობის სხდომაზე 2016 წელი შეაჯამა.

გაზიარება: