საქართველოს პრეზიდენტმა საპარლამენტო დებატები შეაჯამა

„დებატები შედგა. მიუხედავად იმისა, რომ მე ძალიან ბევრი კრიტიკა მოვისმინე საკუთარი თავის მიმართ, ეს არის დემოკრატიის შემადგენელი ნაწილი და ბუნებრივიცაა; ერთი მხრივ, სახელისუფლებო მხარე მაკრიტიკებდა, რომ ვიყავი ზედმეტად კრიტიკული, მეორე მხრივ, ოპოზიციისთვის არ ვიყავი საკმარისად კრიტიკული. მე თავიდანვე მოგახსენეთ, რომ არ ვარ არცერთი პარტიის პრეზიდენტი. ვცდილობ, პარლამენტში წარმოვადგინო ხალხის აზრი და ხალხის შეხედულებები. მე მიზნად არ გამიხდია, ან ზედმეტად მხარი დამეჭირა ხელისუფლების წარმატებებისთვის, ან ზედმეტად გამეკრიტიკებინა ის, რაც გაკეთდა. მე მოგაწოდეთ საზოგადოების შეხედულებები და ხალხის აზრი. ხალხს აქვს პრობლემებიც, მიუხედავად იმ სტატისტიკური მონაცემებისა, რომელთა სიზუსტეზე მე ახლა არ ვიდავებ." ამ სიტყვებით შეაჯამა საპარლამენტო დებატები გიორგი მარგველაშვილმა და დეპუტატებს ფართო და მრავლისმომცველი საპარლამენტო დებატებისათვის მადლობა გადაუხადა. სრულად - https://goo.gl/OHtrLr საქართველოს პრეზიდენტის ოფიციალური არხი Official Channel of The President of Georgia