ახალი კორონავირუსის გავრცელების მაჩვენებელი

საღამოს ცხრა საათის მონაცემებით, სამ აპრილს ქვეყანაში კორონავირუსის 14 ახალი შემთხვევაა დაფიქსირებული. გამოჯანმრთელებულთა სტატისტიკა დღეს აღარ შეცვლილა. კარანტინშია 5 300-ზე მეტი ადამიანი. დღეს გამოვლენილ ინფიცირებულებს შორის საეჭვოა ერთი პაციენტი, მისი კონტაქტების კვლევა ჯერ ისევ გრძელდება. დანარჩენები უკვე დადგენილი კლასტერებიდან არიან.  დღეს და გუშინ შემთხვევების ზრდის დინამიკის მატება შეინიშნება. ამიტომ ახლა მთავარი დატვირთვა ჰოსპიტალურ სექტორზე მოდის. ორი დღის განმავლობაში უნდა შემოწმდეს ყველა ის კლინიკა, სადაც „კოვიდ 19“-ით ინფიცირებულებს მკურნალობენ. გადამოწმდება საწოლების რაოდენობა, სამედიცინო პერსონალის მზადყოფნა და სამედიცინო აღჭურვილობის რაოდენობა. ამ მომენტისთვის კორონავირუსით დაინფიცირებულებს ქვეყნის მასშტაბით 10 კლინიკაში მკურნალობენ. მოვლენების განვითარების კვალდაკვალ საავადმყოფოების რაოდენობა გაიზრდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.