„ქართუ ბანკის” საქმესთან დაკავშირებით სასამართლო სხდომა გადაიდო

„ქართუ ბანკის” საქმესთან დაკავშირებით სასამართლო სხდომა, დღეს, ბრალდებულების გამოუცხადებლობის გამო გადაიდო.

მოსამართლემ პროცესზე განმარტა, რომ შესაბამისი ცნობა გამოუცხადებლობასთან დაკავშირებით მხოლოდ ერთ-ერთმა ბრალდებულმა დავით გიორგაძემ წარადგინა.

რაც ეხება, ნიკოლოზ მელიას, მოსამართლემ განაცხადა, რომ გიორგაძის გამოუცხადებლობა მას სხდომაზე დასწრებისგან არ ათავისუფლებს და იმ შემთხვევაში თუ მომავალ პროცესზე ნიკა მელია არ წარადგენს შესაბამისს ცნობას თუ რა მიზეზით არ დაესწრო პროცესს, შესაძლოა, მის მიმართ სანქცია გამოიყენონ.

შეგახსენებთ, რომ ნიკა მელიამ, დღეს, დილით პარლამენტში განცხადება გააკეთა იმასთან დაკავშირებთ, რომ „ქართუ ბანკის” საქმის არსებითი განხილვა გადაიდო და შესაბამისი ინფორმაცია მას საქალაქო სასამართლოდან აცნობეს, თუმცა ამას სასამართლოში არ ადასტურებენ.

შეგახსენებთ, რომ საუბარია „ქართუ ბანკის” გაკოტრების მცდელობის საქმეზე, რომელზეც 2013 წელს ბრალი წარედგინათ აღსრულების ბიუროს ყოფილ მაღალჩინოსნებს და ზურაბ ადეიშვილს, რომელიც ამჟამად მიმალვაშია.