ზემო მლეთაში მდინარე არაგვი ადიდდა

09.08.2018 01:31

პირველი არხი Georgian Public Broadcaster

არხი

ამ წუთებში თრუსოს ხეობაში ტექნიკის დახმარებით გზის გაწმენდის სამუშაოები მიმდინარეობს. უამინდობით გამოწვეული პრობლემის გამო, 10-მდე ავტომობილი სტიქიის ტყვეობაში აღმოჩნდა. ადგილზე მყოფი პირების ძირითადი ნაწილი ტურისტები არიან. დუშეთის მუნიციპალიტეტის ზემო მლეთაში ძლიერი წვიმის შედეგად მდინარე არაგვი ადიდდა. წყლის ნაკადმა დააზიანა ჯებირები, დატბორა საკარმიდამო ნაკვეთი და საცხოვრებელი სახლები. მცხეთა-სტეფანწმინდა-ლარსის საავტომობილო გზაზე მოძრაობა დროებით შეზღუდულია. შინაგან საქმეთა სამინისტროს ინფორმაციით, სოფელ სეთურებთან და ქუმლისციხესთან ძლიერმა წვიმამ საავტომობილო გზაზე ქვიშა-ხრეში ჩამოიტანა. მიმდინარეობს გზის გაწმენდითი სამუშაოები. საავტომობილო გზის აღნიშნულ მონაკვეთზე მოძრაობას შინაგან საქმეთა სამინისტროს საპატრულო პოლიციის დეპარტამენტის თანამშრომლები არეგულირებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი - / georgianpb

გაზიარება: