ეს არის სამარცხვინო და ქართველი ხალხის შეურაცხყოფა - კახა კალაძე ევროპარლამენტის რეზოლუციაზე

თბილისის მერი  გამოეხმაურა ევროპარლამენტის მიერ, 9 ივნისს მიღებულ რეზოლუციას და მასში შეტანილ ცალკეულ პუნქტებს, რომელიც დავით კეზერაშვილსა და მიხეილ სააკაშვილს შეეხება. კახა კალაძის შეფასებით, ეს არის სამარცხვინო: "არავითარ შემთხვევაში არ უნდა გადაყვეს ქვეყნის ბედი კონკრეტულ პერსონებს ის, რაც ჩვენ გუშინ მოვისმინეთ და ვნახეთ რეზოლუციის სახით, იყო აბსოლუტურად სამარცხვინო. ეს იყო ქართველი ხალხის პირდაპირი შეურაცხყოფა მარტივი ენით რომ ვთქვათ, რას გვეუბნებოდნენ ამ რეზოლუციაში: თითქოს, მიხეილ სააკაშვილი გახლდათ დემოკრატიის შუქურა. მერე რა, თუ ის იყო მთავარი შემოქმედი იმისა, რომ წლების განმავლობაში, ადამიანები გამოჰყავდათ ციხიდან და აუპატიურებდნენ. მერე რა, ის იყო დემოკრატიის შუქურა ასევე, გვეუბნებიან: მერე რა, რომ ციხიდან ადამიანები გამოყავდათ, ბიზნესებს აფორმებინებდნენ, ტელევიზიებში ვარდებოდნენ, ეს იყო დემოკრატიის შუქურა ასევე, დავით კეზერაშვილზე იყო იქ საუბარი. დავით კეზერაშვილი ვინ არის, რას წარმოადგენს, ნიკა მელიას ციტატა მოიყვანეთ და მეტი არაფერია საჭირო"- განაცხადა კახა კალაძემ დღეს, ჟურნალისტებთან საუბრისას. ჩვენი ვებ გვერდი: https://multimedia.ge ჩვენი გვერდი ფეისბუქზე, მიჰყევით ამ ბმულს: https://bit.ly/2D9tHM9