კონსულტაციები კოალიციის წევრებთან

უზენაესი სასამართლოს მოსამართლეთა შერჩევის პროცესის შესახებ იმსჯელეს არასამთავრობო ორგანიზაციებისგან შემდგარი კოალიციის წევრებმა საკანონმდებლო ორგანოში. შეხვედრა გაიმართა ეკა ბესელიასთან, გედევან ფოფხაძესთან, ლევან გოგიჩაიშვილთან და დავით ჭიჭინაძესთან. ეკა ბესელიამ არასამთავრობო ორგანიზაციების წარმომადგენლებს "ქართულ ოცნებაში" ორდღიანი კონსულტაციების შედეგები გააცნო. თუმცა, გარდა იმ საკითხებისა, რომელზეც უმრავლესობამ პოზიციების შეჯერება შეძლო, დეპუტატმა იმ მნიშვნელოვან თემებზე გაამახვილა ყურადღება, რომელიც მისი განცხადებით, ჯერ ისევ სამსჯელოა. მაგალითად, ეკა ბესელია ფიქრობს, რომ მოსამართლეობის კანდიდატების შერჩევის ძირითადმა პროცესმა პარლამენტში უნდა გადმოინაცვლოს. არასამთავრობო ორგანიზაციების წარმომადგენლები აცხადებენ, რომ  ისინი ყველა მხარის პოზიციას მოისმენენ, თუმცა, სამუშაო ჯგუფის მიერ ხვალ დაგეგმილ განხილვას არ დაესწრებიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.