“ჭრელი წინდების“ აქცია ზუგდიდში

ქალაქ ზუგდიდში დაუნის სინდომის საერთაშორისო დღესთან დაკავშირებით, მსვლელობა გაიმართა. ღონისძიებაში დაუნის სინდრომის მქონე ბავშვები, მათი მშობლები, საზოგადოებრივი ორგანიზაციისა და თვითმმართველობის წარმომადგნლები მონაწილეობდნენ. მსვლელობის მონაწილეებს დაუნის სინდრომის სიმბოლო ჭრელი წინდები ეკეთათ. მერიის ჯანდაცვის სამსახურის ხელმძღვანელის ნინო სხულუხიას თქმით, აქციის მიზანი დაუნის სინდრომის მქონე ადამიანებისადმი მხარდაჭერაა. „ჩვენი თანადგომით ვამტკიცებთ იმას, რომ ისინი არაფრით არ განსხვავდებიან ჩვეულებრივი ბავშვებისგან და მათ აქვთ ყველა ის უფლება, რაც ყველა დანარჩენ მოქალაქეს... გვინდა გამოვხატოთ ჩვენი თანადგომა ნებისმიერ წამოწყებაში, რომელიც ცხოვრებას გაუხალისებს და ხელს შეუწყობს მათ რესოციალიზაციას“, - თქვა სხულუხიამ. აქციას ორგანიზაცია „დღის ცენტრი“ შეუერთდა, რომელიც დაუნის სინდრომის მქონდე ბავშვებთან მუშაობს. „ესენი არიან უბოროტონი, უბოროტი, კეთილსინდისიერნი არიან. სწორედ ეს არის მათი მთელი ცხოვრება“, - თქვა ორგანიზაციის ადმინისტრატორმა იამზე ალფენიძემ. აქციის ბოლოს მსვლელობის მონაწილეებმა ფრანები გაუშვეს. ღონისძიება ზუგდიდის მერიის ორგანიზებით გაიმართა. დაუნის სინდრომის საერთაშორისო დღე 21 მარტს, მეშვიდე წელია, აღინიშნება. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/