ოპოზიციის სტრატეგია

ვნებათაღელვა და მძიმე რეაქციები მოჰყვა ზურა ჯაფარიძის დღევანდელ გზავნილსაც. „გირჩი - მეტი თავისუფლების“ ლიდერი საპარლამენტო ოპოზიციას უმოქმედობის და პასიურობის გამო აკრიტიკებს. ყოფილი დეპუტატი, რომელმაც უფლებამოსილება საკუთარი ნებით შეიჩერა და მანდატზე უარი თქვა, ოპოზიციონერ დეპუტატებს საკანონმდებლო ორგანოს დატოვებას ურჩევს. ოპოზიციური სპექტრის გააქტიურების და ხელისუფლებაზე ზეწოლის გაძლიერების გზა ჯაფარიძისთვის სწორედ კიდევ ერთ საპარლამენტო ბოიკოტზე გადის. ადრესატების დიდი ნაწილი ამ ხედვას არ ეთანხმება - საპარლამენტო ოპოზიციიდან ჯაფარიძეს საპარლამენტო ბერკეტების გამოყენების აუცილებლობაზე მიუთითეს. ფაქტია, რომ საერთო სამოქმედო სტრატეგიის გარშემო ოპოზიცია შეთანხმებას ჯერ ვერ ახერხებს, რისი ერთ-ერთი მიზეზიც სწორედ პარლამენტში ყოფნა-არყოფნასთან დაკავშირებით აზრთა სხვადასხვაობაა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.