ჯო ბაიდენის და ვლადიმერ პუტინის შეხვედრა

საათზე ნაკლები რჩება ამერიკისა და რუსთის პრეზიდენტების შეხვედრამდე. ჯო ბაიდენსა და ვლადიმერ პუტინს შორის პირველი დისკუსია ჟენევაში, ლა გრანჟის საუკუნოვან ვილაში შედგება. უსაფრთხოების ზომები მაქსიმალურად გამკაცრებულია. აუდიენციას ჯო ბაიდენთან და ვლადიმერ პუტინთან ერთად, აშშ-ის სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი დაესწრებიან. გაიმართება მოლაპარაკებები გაფართოებულ ფორმატშიც, ოფიციალური მონაცემებით, საუბრის თემებია ორმხრივი ურთიერთობები, სტრატეგიული სტაბილურობა, კიბერუსაფრთხოება, პანდემია, რეგიონული საკითხები, მათ შორის უკრაინისა და მთიანი ყარაბაღის საკითხები. მოსალოდნელია, რომ მსჯელობა შეეხება ალექსეი ნავალნის საკითხს და პატიმრების გათავისუფლებას. აშშ-ისა და რუსეთის პრეზიდენტების შეხვედრა ბოლოს, 2018 წელს ჰელსინკიში დონალდ ტრამპსა და ვლადიმერ პუტინს შორის ჩატარდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.