ზუგდიდის არჩეული მერი საარჩევნო პლაკატებს ხსნის

25.05.2019 01:09

Radio Atinati

არხი

ზუგდიდის არჩეული მერი გიორგი შენგელია შვილთან და აქტივისტებთან ერთად ქალაქის ტერიტორიას წინასაარჩევნო პლაკატებისგან ასუფთავებს. დასუფთავების აქცია დილის თორმეტი საათიდან დაიწყო და როგორც გიორგი შენგელიამ აღნიშნა, ის მოიცავს ზუგდიდის ყველა უბანს და სოფელს. მისივე ინფორმაციით, წინასაარჩევნო პლაკატებისგან გაიწმინდება ბოძები, დაწესებულებების კედლები და ღობეები. „ახალგაზრდული შტაბის წევრებთან ერთად დავუგეგმეთ ზუგდიდში დასუფთავების აქცია , რომელიც ქალაქის დასუფთავებას მოიცავს ჩვენი წინასაარევნო პლაკატებისგან“, - თქვა შენგელიამ. საარჩევნო კოდექსით, პოლიტიკური სუბიექტები ვალდებულები არიან, არჩევნების შედეგების ოფიციალურად გამოცხადებიდან არაუგვიანეს 15 დღის ვადაში უზრუნველყონ საარჩევნო სააგიტაციო მასალების ჩამოხსნა. წინააღმდეგ შემთხვევაში, მათ კანონმდებლობით გათვალისწინებული პასუხისმგებლობა დაეკისრებათ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: