ფარული ჩანაწერები და პოლიტიკური გეგმები

დაკავებები, პროტესტი, ფარული ჩანაწერები - ხმაურიანი აღმოჩნდა გუშინდელი ღამეც. დაკავებულებს შორის აღმოჩნდა ბლოგერი უჩა აბაშიძე, რომელიც სოციალურ ქსელში სამხედრო საკითხებზე წერს და მიმდინარე საპროტესტო გამოსვლების ერთ-ერთი აქტივისტია. ადვოკატი და ოჯახი ამტკიცებენ, რომ ბლოგერის სახლიდან ამოღებულ იარაღს შორის მხოლოდ ორია ნამდვილი და ისიც კანონიერად გაფორმებული, დანარჩენი კი აერსოფთის სათამაშო თოფებია. როგორც ირკვევა, აბაშიძის სახლში ჩხრეკა სამთავრობო უწყებების კომპიუტერულ სისტემებზე თავდასხმების ფაქტებზე მიმდინარე გამოძიების ფარგლებში ჩატარდა. ბლოგერის ოჯახის ინფორმაციით, ჩხრეკას აბაშიძის ადვოკატები არ ესწრებოდნენ. დაკავების პროცესმა ბლოგერის მხარდამჭერების აქციის ფონზე ჩაიარა. სამართალდამცავებმა გამოკითხეს „გირჩი მეტი თავისუფლებისთვის“ წევრი, გიორგი მოსიაშვილიც. სწორედ მისი მონაწილეობით გავრცელდა მორიგი ფარული ჩანაწერი. მასალაში, რომლის ავთენტურობა დადგენილი არ არის, აქციებზე, ქუჩების პარალიზებაზე და შენობების პიკეტირების გეგმებზეა საუბარი. „ქართული ოცნების“ კანონპროექტის წინააღმდეგ დაწყებული აქციების გარშემო გამოძიება რამდენიმე საქმეზე მიმდინარეობს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.