სოცმუშაკების პროტესტი

სოციალური მომსახურების სააგენტოს სოცმუშაკები ტოვებენ. გლდანი-ნაძალადევისა და დიდუბე-ჩუღურეთის სერვისცენტრების თანამშრომელთა უმრავლესობამ უკვე დაწერა შესაბამისი განცხადება. მიზეზად ისინი ბოლო პერიოდში, 4 წლის გოგონას გარდაცვალების შემდეგ არსებულ სიტუაციას ასახელებენ. სააგენტომ შიდა აუდიტის შედეგად ოთხი თანამშრომელი გაათავისუფლა, თუმცა მათი ჩანაცვლება ახალი კადრებით არ მომხდარა, რის შედეგადაც გაორმაგებული საქმის თავის გართმევას და ნაკისრი ვალდებულებების კანონიერად შესრულებას თანამშრომლები არსებული რესურსით ვერ ახერხებენ. სოცმუშაკთა ნაწილი ამბობს, რომ ისინი უკვე წელიწადზე მეტია ჯანდაცვის სამინისტროს კადრების გაზრდას და სერვისების გაუმჯობესებას სთხოვენ, თუმცა მათი განცხადებით, სამინისტროს მხრიდან ამ დრომდე არ გადადგმულა შესაბამისი ნაბიჯი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.