„დიდი ოცეულის“ სამიტი

უკრაინა პარტნიორებთან ერთად მუშაობს საკითხზე, რომ მიიწვიონ „დიდი ოცეულის“ სამიტზე, რომელიც სექტემბერში ინდოეთში გაიმართება. როგორც „ევროპეისკაია პრავდა“ იუწყება, ამის შესახებ უკრაინის საგარეო საქმეთა მინისტრის მოადგილემ, ნიკოლაი ტოჩიცკიმ განაცხადა. მისი თქმით, უკრაინას „დიდი ოცეულის“ სამიტში მონაწილეობა იმის გამო სურს, რომ სამიტზე ეკონომიკური პრობლემები წამოიჭრება. „ჩვენ გვჯერა, რომ ის, რასაც რუსეთის ფედერაცია აკეთებს „მარცვლეულის შეთანხმების“ შესაწყვეტად, დიდი გამოწვევაა არა მხოლოდ აფრიკისა და აზიის ქვეყნების ეკონომიკისთვის, არამედ მსოფლიო ეკონომიკისთვისაც“, – განაცხადა საგარეო საქმეთა სამინისტროს წარმომადგენელმა. ტოჩიცკის თქმით, სწორედ ესაა მიზეზი, რატომაც სურთ, რომ უკრაინა მიწვეული იყოს „დიდი ოცეულის“ სამიტზე. მანამდე მედიისთვის ცნობილი გახდა, რომ უკრაინა „დიდი ოცეულის“ სამიტზე მიწვეული არ იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.