დიდი ოცეულის სამიტი

დიდი ოცეულის ქვეყნები პანდემიასთან გამკლავებაში განვითარებადი ქვეყნების დახმარებაზე შეთანხმდნენ. ამის თაობაზე „როიტერის“ მიერ მოპოვებულ კომუნიკეშია საუბარია.

სამიტზე ქვეყნების ლიდერებმა ხაზი გაუსვეს ვაქცინაზე თანაბარი ხელმისაწვდომობის მნიშვნელობას,-  ყველა, მათ შორის ღარიბი და განვითარებადი ქვეყნების მოქალაქეებისთვის.

განვითარებადი ქვეყნების დასახმარებლად დიდი ოცეულის ლიდერები სესხების გადასახადების 2021 წლის მეორე ნახევრამდე გადავადების ინიციატივით გამოვიდნენ. 

ამასთან, ევროკავშირმა ქვეყნებს კოვიდ-19-ის ვაქცინისა და სამკურნალო პრეპარატების  დისტრიბუციაში მეტი რესურსების ჩადებისკენ მოუწოდა.

დიდი ოცეულის ქვეყნების ლიდერებმა საერთაშორისო დონეზე მჭიდრო თანამშრომლობისთვის მზადყოფნა ერთხმად გამოაცხადეს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://bit.ly/2WZv1qY
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.