კორონავირუსით ინფიცირებულთა რიცხვი გაიზარდა

ახალი კორონავირუსით ინფიცირებულთა რიცხვი 12-მდე გაიზარდა. მათ შორის არის დაავადებათა კონტროლის ეროვნული ცენტრის ხელმძღვანელის შვილი ნიკოლოზ გამყრელიძე, რომელმაც ამის შესახებ ინფორმაცია თავად გაავრცელა. ნიკოლოზ გამყრელიძეს კონტაქტი ჰქონდა საკუთარ თანამშრომელთან, რომელიც იტალიაში იმყოფებოდა და კორონავირუსის მეოთხე დადასტურებული შემთხვევა იყო. ამირან გამყრელიძის განცხადებით, ინფიცირების წყარო, ძირითადად, სწორედ იტალიიდან ჩამოსული საქართველოს მოქალაქეები არიან. დაავადებათა კონტროლის ეროვნული ცენტრის ხელმძღვანელი საზოგადოებას მოუწოდებს, რომ გამოიჩინონ სამოქალაქო პასუხისმგებლობა და სიმპტომების გამოვლენისთანავე, დაუყოვნებლივ მიმართონ ექიმს. ამირან გამყრელიძე ადასტურებს ინფორმაციას, რომ ზოგიერთი ადამიანი, რომელიც თვითიზოლაციაშია, წესებს არღვევს, ამიტომ მათზე კონტროლი საზოგადოებრივი ჯანდაცვის ცენტრებმა და შინაგან საქმეთა სამინისტროს სპეციალურმა სამსახურებმა უნდა გააძლიერონ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.