კონკურენციის სააგენტომ ნავთობკომპანიები დააჯარიმა

ხუთი მსხვილი ნავთობკომპანია სოლიდური თანხის არის დაჯარიმებული. კონკურენციის სააგენტომ საწვავის ბაზარზე ერთწლიანი მოკვლევა დაასრულა. კომპანიები „ვისოლი“, „ლუკოილი“, „რომპეტროლი“, „გალფი“ და „სოკარი“ კონკურენციის წესების დარღვევაში და შეთანხმებულ მოქმედებებში ამხილეს. მოკვლევის მიხედვით დადგინდა, რომ 2022 წლის მარტი-აგვისტოს პერიოდში საქართველოში საწვავის გაიაფება საერთაშორისო ბაზარზე მიმდინარე ტენდენციების გათვალისწინებით შესაძლებელი იყო, თუმცა ხუთმა კომპანიამ ფასი ხელოვნურად არ შეამცირა. დაჯარიმებული კომპანიები სააგენტოს დასკვნას არ ეთანხმებიან და სამართლებრივი დავისთვის ემზადებიან. ფასების შემცირების რამდენიმე თვიანი ტენდენციის შემდეგ ქვეყანაში ზაფხულის დასაწყისიდან საწვავი ისევ გაძვირდა. ბაზრის მონიტორინგი გრძელდება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.