სააღმზრდელო პროცესი დროებით შეწყდება ბაგა-ბაღებსა და სახელოვნებო სკოლებში

კორონავირუსის პრევენციული ღონისძიებების ფარგლებში, სააღმზრდელო პროცესი დროებით შეწყდება ბაგა-ბაღებსა და სახელოვნებო სკოლებში. დაწესებულებებში სადეზინფექციო სამუშაოები ჩატარდება. გადაწყვეტილება თბილისის მერიაში გამართულ სამუშაო შეხვედრაზე მიიღეს. როგორც ბაგა-ბაღების მართვის სააგენტოს ხელმძღვანელმა კახა გვანცელაძემ განაცხადა, ბაღების დეზინფექცია არსებული რეგლამენტის მიხედვით, აქამდეც მიმდინარეობდა, რისთვისაც ათამდე სხვადასხვა ქიმიური ხსნარი გამოიყენება. მერიაში გამართულ დღევანდელ სხდომაზე ასევე ცნობილი გახდა, რომ სპეციალური ხსნარებით დამუშავდება ყველა ტიპის საზოგადოებრივი ტრანსპორტიც. სანიტარული სამუშაოები ღამის საათებში ჩატარდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.