კახეთის რეგიონის განვითარების სტრატეგიის პროექტის განხილვა
06/28/2013
ტელეკომპანია თანამგზავრი-ის
მიერ
დღეს თელავში, დემოკრატიული ჩართულობის ცენტრში „ჯი-აი-ზის\" მიერ ფინანსური მხარდაჭერით შემუშავებული და კახეთის სამხარეო ადმინისტრაციის მიერ მომზადებული რეგიონის განვითარების 2013-2017 წლის სტრატეგიის პროექტის განხილვა გაიმართა. სამოქალაქო საზოგადოების წევრებს შესაძლებლობა ჰქონდათ საკუთარი შეხედულებები და შენიშვნები გამოეხატათ. პროექტის მიხედვით, 2017 წლის ბოლოსთვის კახეთიდან მიგრაცია შეწყდება და მიღწეულ იქნება მოსახლეობის ბუნებრივი მატება, გაიზრდება აგრომრეწველობასა და ტურიზმში დასაქმებულთა რაოდენობა. სოფლის მეურნეობაში დანერგილი იქნება ახალი ტექნოლოგიები, აღდგება საირიგაციო სისტემები, გაიზრდება მოსავლიანობა. რეგიონში 100%-ით მოწესრიგდება შიდა გზები. ყველა ქალაქი და სოფელი უზრუნველყოფილი იქნება 24 საათიანი წყალმომარაგებით, რეგიონში ყველა ოჯახში, სასწავლო დაწესებულებასა და ოფისში იქნება ინტერნეტი. მოსახლეობა ისარგებლებს ალტერნატიული ენერგიის წყაროებით და კომუნალური გადასახადები შემცირდება.
ვებ-გვერდზე გადასვლა:
http://bit.ly/16Gezee
ვებ-გვერდზე გადასვლა:
http://bit.ly/16Gezee
