აქცია სოფელ მოხისში

მოხისის მოსახლეობა აუქციონის წესით მიწების გასხვისებას აპროტესტებს და ეკონომიკის სამინისტროსგან გადაწყვეტილების გადახედვას ითხოვს. ამ მოთხოვნით, ადგილობრივები დღეს სოფელ მოხისში კიდევ ერთხელ შეიკრიბნენ. დასახლებაში 28 ჰექტარი იჯარით ექვს ოჯახს ჰქონდა აღებული და 20 წელზე მეტია აქ ერთწლიანი კულტურები მოჰყავდათ. ვადის გასვლის შემდეგ, როგორც თავად ამტკიცებენ, მათ ქარელის მუნიციპალიტეტის მერიას ვადის გაგრძელების მოთხოვნით მიმართეს. ასევე წერილი ეკონომიკის სამინისტროშიც გადაგზავნეს. თუმცა როგორც ადგილობრივები ამბობენ, ეს მიწის ფართობი აუქციონის წესით გასხვისდა, რასაც მოსახლეობა უკანონოდ მიიჩნევს. აქციის მონაწილეები შეხვდნენ ქარელის მუნიციპალიტეტის მერს და რაიონის მაჟორიტარი დეპუტატს. ზაალ დუგლაძე აცხადებს, რომ მიწა კანონიერად გასხვისდა და გამოსავალი ახლა ადგილობრივებისთვის სხვა ალტერნატიული ფართობის შეთავაზებაა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.