სტრასბურგის სასამართლოს გადაწყვეტილება 20 ივნისის საქმეზე

ნაწილობრივ დაკმაყოფილებული სარჩელი - სტრასბურგის სასამართლოში საქართველოდან გაგზავნილი კიდევ ერთი რეზონანსული საქმის განხილვა დასრულდა. ხელისუფლებამ 2019 წლის 20-21 ივნისის მოვლენების დროს დაშავებულ ოთხ მოქალაქეს ფულადი კომპენსაცია უნდა გადაუხადოს. ესენი არიან მაკო გომური, ალექსანდრე ჩანქსელიანი, დავით ქურდოვანიძე და გიორგი სულაშვილი. მოსარჩელეები სარჩელში სამართალდამცავებს ძალის გადამეტებაში ადანაშაულებენ და გამოძიების არაეფექტურობაზე მიუთითებენ. აქციების დროს დაშავებულები საჩივარში ევროპის ადამიანის უფლებათა კონვენციის ოთხი მუხლის დარღვევაზე საუბრობენ. თუმცა, ადამიანის უფლებათა ევროპულმა სასამართლომ კონვენციის მხოლოდ ერთი მუხლის და ისიც პროცედურული ნაწილის დარღვევა დაადგინა. სხვა მუხლებზე გადაწყვეტილებების მიღებისგან კი რამდენიმე გარემოების გამო თავი შეიკავა. ამავე გადაწყვეტილებაში ჩაიწერა, რომ 2019 წლის შემდეგ დაწყებული გამოძიება არაეფექტურია. რატომ გაჭიანურდა ძიების პროცესი და დაფიქსირდა თუ არა ივნისის მოვლენების დროს არაადამიანური მოპყრობის ფაქტები - სტრასბურგის სასამართლოს გადაწყვეტილება თბილისში სხვადასხვანაირად წაიკითხეს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.