რუსეთის მორიგი მუქარა

რუსეთის სახელმწიფო დუმის სპიკერი უკრაინისთვის იარაღის მიწოდების გამო გლობალური კატასტროფით იმუქრება. ამის შესახებ ვიაჩესლავ ვოლოდინი თავის „ტელეგრამ“ არხზე წერს. რუსეთის დუმის სპიკერის აზრით, ვაშინგტონსა და ბრიუსელს მსოფლიო საშინელი ომისკენ და სულ სხვანაირი საომარი მოქმედებებისკენ მიჰყავთ. მისივე თქმით, უცხოელმა ლიდერებმა უნდა გააცნობიერონ, რომ ეს შესაძლოა დასრულდეს მსოფლიო მასშტაბის ტრაგედიით და მათი ქვეყნების განადგურებით. ვოლოდინი ასევე მიანიშნებს ბირთვული იარაღის გამოყენების შესაძლებლობაზეც. „უსაფუძვლოა არგუმენტები, რომ ბირთვულ სახელმწიფოებს ადრე არ გამოუყენებიათ მასობრივი განადგურების იარაღი ლოკალურ კონფლიქტებში, რადგანაც ეს სახელმწიფოები არ დამდგარან ისეთი სიტუაციის წინაშე, როდესაც მათ მოქალაქეებს და ტერიტორიულ მთლიანობას საფრთხე ემუქრება“, – წერს რუსეთის პარლამენტის ქვედა პალატის სპიკერი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.