საქართველოს ეროვნული მუზეუმის წლიური ანგარიში

15 მაისს, საქართველოს კულტურისა და ძეგლთა დაცვის მინისტრის მოადგილე ბადრი ბაგრატიონ-გრუზინსკი საქართველოს ეროვნული მუზეუმის წლიური ანგარიშის პრეზენტაციას დაესწრო. ეროვნული მუზეუმის წლიური ანგარიშის პრეზენტაცია ტრადიციულად, მუზეუმების საერთაშორისო დღისადმი მიძღვნილი საქართველოს ეროვნული მუზეუმების კვირეულის ფარგლებში იმართება. ღონისძიებას ეროვნული მუზეუმის გენერალური დირექტორი დავით ლორთქიფანიძე გაუძღვა. დამსწრე საზოგადოება გაეცნო 2013-2014 წლების მნიშვნელოვან მოვლენებს, მუზეუმის საერთაშორისო აღიარებებსა და მიღწევებს - წელს, საქართველოს ეროვნული მუზეუმი მსოფლიო სამუზეუმო ქსელის წევრი გახდა (Global Museum Leaders Colloquium, METROPOLITAN MUSEUM). ღონისძიებაზე საქართველოს ეროვნული მუზეუმის სამომავლო გეგმების პრეზენტაციაც გაიმართა. 18:00 საათზე საქართველოს ეროვნული მუზეუმისა და საქართველოს გოეთეს ინსტიტუტის ორგანიზებით, დიმიტრი შევარდნაძის სახელობის ეროვნულ გალერეაში სახელწოდებით - „თანამედროვე ხელოვნება და მუზეუმი" (RE: Museum) გამოფენა მოეწყო. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045