მეორე მსოფლიო ომის დაწყებიდან 80 წლისთავისადმი მიძღვნილი ღონისძიებები

01.09.2019 01:11

პირველი არხი Georgian Public Broadcaster

არხი

პოლონეთისა და გერმანიის პრეზიდენტებმა მეორე მსოფლიო ომის მსხვერპლთა ხსოვნას პატივი მიაგეს. ომის დაწყებიდან 80 წლისთავისადმი მიძღვნილი ღონისძიებები წუთიერი დუმილით დაიწყო. მოგვიანებით კი, ლიდერები სიტყვით გამოვიდნენ. როგორც გერმანიის პრეზიდენტმა განაცხადა, გერმანია მეორე მსოფლიო ომისთვის პასუხისმგებლობას არასდროს დაივიწყებს. სიტყვის ბოლოს მან პოლონურ ენაზე ბოდიში მოიხადა. 1939 წლის პირველ სექტემბერს ფაშისტური გერმანიის ავიაციამ ქალაქი ველიუნი დაბომბა. დაიღუპა 1 200 ადამიანი. პარალელურად, ნაცისტების კრეისერმა პოლონურ საპორტო ქალაქ გდანსკთან მდებარე სამხედრო საწყობებს ცეცხლი გაუხსნა. სწორედ ამ მოვლენებით დაიწყო მეორე მსოფლიო ომი. მეორე მსოფლიო ომის დაწყების 80 წლისთავისადმი მიძღვნილ ღონისძიებებში საქართველოს პრეზიდენტი სალომე ზურაბიშვილიც მიიღებს მონაწილეობას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: