სამელიორაციო სისტემების კომპანიის პროექტები კახეთში

გაერთიანებული სამელიორაციო სისტემების კომპანიის ხელმძღვანელის, ლევან დვალის განცხადებით, სამელიორაციო სისტემებზე არსებული პრობლემების მოსაგვარებლად, კომპანია კახეთში მასშტაბური პროექტების განხორციელებას გეგმავს. მისივე თქმით, პროექტების განხორციელების შედეგად გაუმჯობესდება ერთწლიანი და მრავალწლიანი კულტურების წყალუზრუნველყოფა და გაიზრდება საშუალო საჰექტარო მოსავლიანობა. კახეთის სამელიორაციო ინფრასტრუქტურის რეაბილიტაციისა და განვითარების პერსპექტივებთან დაკავშირებით, დედოფლისწყაროში შეხვედრა გაიმართა. შეხვედრას კახეთის გუბერნატორი, ირაკლი შიოლაშვილი, სამელიორაციო სისტემების კომპანიის წარმომადგენლები, მუნიციპალიტეტების საკრებულოების თავმჯდომარეები და რაიონების გამგებლები ესწრებოდნენ. შეხვედრაზე სარწყავ და სადრენაჟე სისტემებზე არსებულ პრობლემებზე, მის მოწესრიგებასა და დაგეგმილ პროექტებზე ისაუბრეს. როგორც შეხვედრაზე აღნიშნეს, წლევანდელმა გვალვამ აჩვენა, რომ სტიქიით გამოწვეული უარყოფითი შედეგების შესამცირებლად კახეთში გაცილებით მასშტაბური ღონისძიებებია გასატარებელი. ვებ-გვერდზე გადასვლა: http://bit.ly/1DfO8MQ