იუსტიციის მინისტრმა სამეგრელოს განახლებული რეგიონული არქივი გახსნა

იუსტიციის მინისტრმა თეა წულუკიანმა ზუგდიდში სამეგრელოს რეგიონის არქივის ახალი შენობა გახსნა. ზუგდიდის არქივის ყოფილ შენობას რეაბილიტაცია ჩაუტარდა, იმავდროულად, მის გვერდით აშენდა 4-სართულიანი შენობა, სადაც საარქივო დოკუმენტების საცავები განთავსდა. საცავები, რომლის მთლიანი ფართი 1112 კვ. მეტრია, თანამედროვე სტანდარტებით მოეწყო, დღეიდან არქივის ახალ შენობაში სამეგრელოს რეგიონის რაიონების - ზუგდიდის, აბაშის, მარტვილის, სენაკის, ჩხოროწყუს, წალენჯიხისა და ხობის არქივების დოკუმენტები, სულ 371 218 საქმე, საერთაშორისო სტანდარტების შესაბამისად იქნება დაცული. მშენებლობა ტენდერით შერჩეულმა შპს ,,აგრომშენსერვისმა“ განახორციელა. სამშენებლო სამუშაოებზე 2 მილიონამდე ლარი დაიხარჯა. მოგვიანებით იუსტიციის მინისტრმა სოზარ სუბართან და ადგილობრივი თვითმმართველობის წარმომადგენელებთან ერთად იუსტიციის სახლში გადაინაცვლა, სადაც მე-9 სკოლის მოსწავლეებთან ერთად საქართველოს პირველი დემოკრატიული რესპუბლიკის მასალების ფოტო-გამოფენა დაათველიერა. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/