შეხვედრები პარლამენტში - აშშ-ის ელჩის გზავნილები

უკრაინაზე მოსალოდნელი თავდასხმა და რუსეთიდან მომდინარე საფრთხეები იყო მთავარი თემა იმ შეხვედრებზეც, რომლებიც ამერიკის ელჩმა დღეს პარლამენტში გამართა. ამერიკის დიპლომატიური მისიის ხელმძღვანელი საკანონმდებლო ორგანოს თავმჯდომარეს და მმართველი პარტიის ხელმძღვანელს შეხვდა.  კელი დეგნანი უკრაინის საზღვართან შექმნილ დაძაბულობას რუსეთის მიერ ხელოვნურად გამოწვეულ კრიზისად აფასებს და ხაზს უსვამს, რომ ოფიციალური ვაშინგტონი რუსეთთან დიალოგის პროცესში საკუთარ მოკავშირეებთან, მათ შორის საქართველოსთან მუდმივად ხაზზეა. დეგნანი შექმნილი მძიმე სიტუაციიდან ერთადერთ გამოსავალს მხოლოდ დიპლომატიურ გზებში ხედავს. აშშ-ის ელჩი იმ კანონპროექტებითაც დაინტერესდა, რომელთა განხილვას მმართველი გუნდი პარლამენტში საგაზაფხულო სესიაზე აპირებს. განსაკუთრებული აქცენტი სასამართლო რეფორმაზე და საკონსტიტუციო ცვლილებებზე კეთდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.