"გაიღე სისხლი სიცოცხლის გადასარჩენად" - აქცია „ათინათში“

„ათინათის“ ახალგაზრდული ცენტრის და შპს „ნატალია კვანტალიანის სახელობის სისხლის ცენტრალური ბანკის“ ორგანიზებით ასოციაციაში აქცია "გაიღე სისხლი სიცოცხლის გადასარჩენად" ტარდება. მსურველებს აქციაში მონაწილეობის მიღება დღეს 17:00 საათამდე შეუძლიათ. „ათინათის“ ახალგაზრდული ცენტრის კოორდინატორის სალომე გუგუჩიას თქმით, მოქალაქეები ღონისძიებაში აქტიურად ჩაერთნენ. „18 წლის ასაკიდან ნებისმიერ ადამიანს, ვისაც ჯანმრთელობა უწყობს ხელს და სურვილი აქვს, შეუძლია გაიღოს სისხლი. მსგავსი აქცია გასულ წელსაც ჩატარდა ჩვენთან და ვიმედოვნებთ, რომ შემდეგშიც გაგრძელდება“, - აღნიშნა გუგუჩიამ. აქციაში მონაწილეობა ზუგდიდის მუნიციპალიტეტის გამგეობისა და საკრებულოს წარმომადგენლებმა მიიღეს. მათი თქმით, მსგავსი აქტივობები საზოგადოების ინფორმირებულობისა და სხვადასხვა შემთხვევისა და დაავადებების დროს სისხლის მარაგის ქონის მიზნით აუცილებელია. აქციაში ჩართულმა პირებმა მოსახლეობაში სისხლის გაღებისკენ მოუწოდეს. რადიო "ათინათი" Website: http://radioatinati.ge Facebook: https://www.facebook.com/Rado.ATINATI Google +: https://plus.google.com/u/0/116211701... Twitter: https://twitter.com/