აღკვეთის ღონისძიება

ამ წუთებში, თბილისის საქალაქო სასამართლოში, მკვლელობაში ბრალდებული ეგვიპტის მოქალაქის აღკვეთის ღონისძიებაზე მსჯელობენ. დიდ დიღომში მომხდარი მკვლელობის ფაქტზე დაკავებულ 20 წლის მამაკაცს, ბრალი უკვე წარედგინა. განზრახ მკვლელობაში ბრალდებული უცხო ქვეყნის მოქალაქე დუმილის უფლებას იყენებს. შესაბამისად, ჯერ-ჯერობით უცნობია, რა უძღოდა წინ 40 წლამდე ქალის მკვლელობას. შეგახსენებთ, რომ უცხო ქვეყნის მოქალაქემ თბილისში, ნაქირავებ ბინაში, ურთიერთშელაპარაკების ნიადაგზე, საქართველოს მოქალაქეს, 40 წლის ქალს სასიკვდილო დაზიანებები მიაყენა. მამაკაცი ამავე ბინაში აიყვანეს. დაკავების მომენტში მან წინააღმდეგობის გაწევა სცადა, თუმცა მას ამის შესაძლებლობა არ მიეცა. დანაშაულის დამტკიცების შემთხვევაში, დაკავებულს 15 წლამდე ვადით პატიმრობა ემუქრება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.