საარჩევნო მონიტორინგი პირველ არხზე

პირველი არხი წინასაარჩევნო პერიოდში საკუთარი ეთერის მონიტორინგს იწყებს.
პირველი არხისა და რადიოს მთავარი საინფორმაციო გამოშვებები, თოქ-შოუები, გადაცემები და დებატები - 2018 წლის პირველი ოქტომბრიდან მონიტორინგის ჯგუფი სწავლობს, თუ რამდენად თანაბრად ეთმობა დრო გაშუქებისას 25-ვე საპრეზიდენტო კანდიდატს. ყოველკვირეული კვლევის შედეგები ოთხშაბათობით არხის ვებ გვერდზე, 1tv.ge-ზე გამოქვეყნდება. საზოგადოების უფრო მეტი ინფორმირებულობისთვის პირველმა არხმა პრეზიდენტობის მსურველებს რამდენიმე ფორმატი შესთავაზა. 25 სექტემბრიდან „მოამბის“ მთავარ გამოშვებაში კანდიდატებს საკუთარ ხედვებსა და პროგრამებზე სასაუბროდ 10-10 წუთი აქვთ. გუშინ შედგა ე.წ გამოწვევის დებატები. არხი მზადაა ეთერი დაუთმოს ნებისმიერ კანდიდატს, თუ ისინი დებატებზე ერთმანეთში შეთანხმდებიან. უკვე მომავალი კვირიდან კი, კანონით გათვალისწინებული, ტრადიციული დებატი პირველად 9 არაკვალიფიციურ სუბიექტს შორის შედგება. 19 და 26 ოქტომბერს ერთმანეთს უკვე კვალიფიციური სუბიექტები შეხვდებიან. ისინი ორ ჯგუფად დაეწყნენ და თითოში 8-8 კანდიდატია.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/pg/1stchannel/
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.