არაღიარების პოლიტიკა და გამჭირვალობის შესახებ კანონი

დაძაბული და ხმაურიანი განხილვის დროს არაერთხელ ახსენეს გიორგი გახარიას პარტიის წევრის რეზონანსული განცხადება. საკმაოდ მძიმე რეაქციები გამოიწვია მიხეილ დაუშვილის გუშინდელმა გამოსვლამ, რა დროსაც ოპოზიციონერმა დეპუტატმა საქართველოს საერთაშორისო იზოლაციის საფრთხეზე მიანიშნა და ამ კონტექსტში ოკუპირებული ტერიტორიების არაღიარების პოლიტიკის შესაძლო გადახედვაზე მიუთითა. კოლეგის გზავნილში პრობლემას ვერ ხედავს დანარჩენი ოპოზიციური სპექტრი. განსხვავებით ხელისუფლებისგან, რომელმაც ყოფილი პრემიერის გუნდის წევრის განცხადებიდან მუქარა და პოლიტიკური დავალება ამოიკითხა. მმართველი გუნდიდან დღეს ოპონენტებს რამდენჯერმე შეახსენეს, რომ საქართველოს ოკუპირებული ტერიტორიების არ აღიარება მოცემულობაა და არა სავაჭრო თემა. რა იგულისხმა დაუშვილმა - ექს-პრემიერის გუნდს დამატებითი განმარტებები აღარ გაუკეთებია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.