დოკუმენტური ფილმების ფესტივალი თელავში

თელავის „მედია კაფემ" დოკუმენტური ფილმების ფესტივალს უმასპინძლა. ნაჩვენები იქნა კანადელი რეჟისორის - იულია ივანოვას ნამუშევარი „ოჯახური პორტრეტი შავ-თეთრში". ფესტივალის ფარგლებში, ასევე, ძველი თელავის ფოტოების გამოფენა გაიმართა. პროექტის ორგანიზატორების თქმით, ფესტივალის მიზანია, არა მხოლოდ კარგი ფილმების ჩვენება, არამედ მოქალაქეების აქტუალურ და მნიშვნელოვან საკითხებზე დისკუსიის პროცესში ჩართვა. ფესტივალს სხვა ცნობილ სახეებთან ერთად თელავის მაჟორიტარი დეპუტატი - გელა სამხარაულიც დაესწრო. დოკუმენტური ფილმების საერთაშორისო ფესტივალი „ხელოვნება ადამიანის უფლებებისათვის", პარალელურად საქართველოს, აზერბაიჯანისა და სომხეთის სხვადასხვა ქალაქებში მიმდინარეობს. დოკუმენტური კინოფესტივალების ორგანიზატორია ჩეხური არაკომერციული ორგანიზაცია - „ადამიანი გაჭირვებაში". რეგიონალური პარტნიორია - „მედია ცენტრი კახეთი", „საქდოკ ფილმი" საქართველო და „ინტერნიუსი" სომხეთი. ვებ-გვერდზე გადასვლა: http://bit.ly/ZzCOFh