59,52 %-ით სალომე ზურაბიშვილმა საპრეზიდენტო არჩევნებში გაიმარჯვა

სალომე ზურაბიშვილმა საპრეზიდენტო არჩევნებში 59,52 პროცენტით გაიმარჯვა. ამ დროისთვის ცესკო-მ 3 705-ივე უბნის მონაცემები დათვალა, რომლის მიხედვითაც, ხმების 59, 52 % სალომე ზურაბიშვილმა, 40, 48 % კი გაერთიანებული ოპოზიციის კანდიდატმა მიიღო. გრიგოლ ვაშაძემ ოპონენტს წინასწარი მონაცემებით საზღვარგარეთ გახსნილ უბნებზე მოუგო, მათ შორის ავღანეთში დისლოცირებულ სამხედრო ბაზებზეც. სალომე ზურაბიშვილმა საქართველოს მასშტაბით თელავისა და რუსთავის გარდა ყველგან მოიგო. ცესკოში აღნიშნავენ, რომ არჩევნების მეორე ტურზე, 28 ოქტომბერთან შედარებით, მეტი აქტივობა დაფიქსირდა. რაც შეეხება საჩივრებს, რომლებიც უბნებზე არასამთავრობო სექტორისა და პოლიტიკური სუბიექტების წარმომადგენლებმა დაწერეს, 307-ივე საჩივარს საარჩევნო კომისია დადგენილი ვადების დაცვით განიხილავს და შესაბამის რეაგირებას მოახდენს. საჩივრებს შორის არის დისციპლინარული და ტექნიკური საკითხები, ასევე, კონკრეტულ უბნებზე შედეგების გაბათილების მოთხოვნებიც, მათ შორის სიღნაღში, წყალტუბოში, მარნეულის სამ უბანსა და ხულოში გადასატან ყუთთან დაკავშირებით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.