ინციდენტი არაყიშვილის ქუჩაზე

თბილისში არაყიშვილის ქუჩაზე დაჭრილი ახალგაზრდების მდგომარეობა სტაბილურია - ისინი ხეჩინაშვილის სახელობის კლინიკაში რჩებიან. თავდასხმის სავარაუდო მოტივს გამოძიება ადგენს. მომხდართან დაკავშირებით, დაკავებული ჯერჯერობით არავინაა. შეიარაღებული თავდასხმა არაყიშვილის ქუჩაზე გუშინ მოხდა. გავრცელებული ინფორმაციით, მოპედით მოძრავმა ორმა პირმა ორი ახალგაზრდის მისამართით ცეცხლსასროლი იარაღიდან ათზე მეტი ტყვია გაისროლა. მათ 25 წლამდე ასაკის ორი კაცი დაჭრეს და დანაშაულის ადგილი დატოვეს. ექსპერტ-კრიმინალისტებმა შემთხვევის ადგილზე და ავტომობილში საგამოძიებო მოქმედებები უკვე ჩაატარეს. მომხდარს არაერთი თვითმხილველი ჰყავს. დანაშაულის ადგილზე რამდენიმე სათვალთვალო კამერაა დამონტაჟებული. ჩანაწერები, დამნაშავეების იდენტიფიცირების მიზნით, სამართალდამცველებმა უკვე ამოიღეს. გავრცელებული ინფორმაციით, თავდამსხმელები ჩაფხუტებითა და ნიღბებით გადაადგილდებოდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.