ევროპის მაუწყებელთა კავშირის ასამბლეა

ევროპის მაუწყებელთა კავშირის ახალი ამბების ასამბლეაზე, რომელიც თბილისში მიმდინარეობს, პირველი არხის გენერალური დირექტორი, თინათინ ბერძენიშვილი ევროპის მაუწყებელთა კავშირის „საამაყო წევრად“ დასახელდა. თინათინ ბერძენიშვილი ევროპის მაუწყებელთა კავშირის რამდენიმე კომიტეტის წევრია, მათ შორის, არის გენდერული თანასწორობის ჯგუფის ხელმძღვანელი, მისი ხელმძღვანელობით შეიქმნა გენდერული თანასწორობის გზამკვლევი, რომელზეც 11 ქვეყნის წარმომადგენლისგან შემდგარი სამუშაო ჯგუფი მუშაობდა. დღესვე ევროპის მაუწყებელთა კავშირის ახალი ამბების კომიტეტის წევრად პირველი არხის ახალი და მიმდინარე ამბების ბლოკის დირექტორი, გიორგი გვიმრაძე აირჩიეს. ახალი ამბების ასამბლეა მასშტაბითა და მნიშვნელობით ევროპის მაუწყებელთა კავშირის განსაკუთრებული ღონისძიებაა, რომელიც ყოველწლიურად იმართება. 2023 წლის ახალი ამბების რიგით მე-18 ასამბლეას ევროპის 47 ქვეყნის საზოგადოებრივი მაუწყებლების ხელმძღვანელები ესწრებიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.