საზღვრის კვეთის შესაძლებლობა

საქართველოს მოქალაქეთა ნაწილს, რომლებიც პანდემიის მიზეზით დაწესებული შეზღუდვების გამო თურქეთში სამუშაოდ გადასვლას ვეღარ ახერხებდნენ, საზღვრის კვეთის უფლება მიეცა. 101-მა პირმა შესაბამისი სარეგისტრაციო ფორმა შეავსო და მეზობელ სახელმწიფოში სამი თვის ვადით გამგზავრებას შეძლებს. განაცხადს ის მოქალაქეები ავსებენ, რომლებმაც თურქეთში რეგისტრირებული ფიზიკური ან იურიდიული პირისგან მოწვევა უკვე მიიღეს და ნოტარიულად ქართულ ენაზე დაამოწმეს. პროცედურა მარტივია, პირადი ნომრისა და მობილურის ნომრის შეყვანის შემდეგ, განმცხადებელი იღებს აქტივაციის კოდს, რომლის შემდეგაც, ჯანდაცვის სამინისტროს სპეციალურ ვებგვერდზე, თურქეთიდან მიღებულ მიწვევას ტვირთავს. განმცხადებელს პასუხი უმოკლეს ვადაში, არა უგვიანეს შვიდ დღეში ეცნობება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.