თეა წულუკიანის განცხადება

საქართველოს კულტურის მინისტრი მსახიობ ბესო ზანგურს, რომელიც ყოფილმა მეუღლემ ძალადობაში დაადანაშაულა, თეატრის დატოვებისკენ მოუწოდებს. თეა წულუკიანის განცხადებით, ძალადობაზე საუბარი არასდროს არის გვიან და ნინუცა მაყაშვილმა გამოძიებასთან უნდა ითანამშრომლოს. რაც შეეხება რობერტ სტურუას, მინისტრის თქმით, მისი გათავისუფლება არ იგეგმება. თეა წულუკიანმა საუბრისას ყურადღება გაამახვილა ქალზე ძალადობის წინააღმდეგ მიმართულ სტამბოლის კონვენციაზე, რომელსაც მისი თქმით, ხელი 2014 წელს, ქართველი გოგონებისა და ქალების სახელით მოაწერა. შეგახსენებთ, რომ მსახიობი ბესო ზანგური ყოფილმა მეუღლემ, მსახიობმა და ტელეწამყვანმა ნინუცა მაყაშვილმა ოჯახურ ძალადობაში დაადანაშაულა და ყოფილი მეუღლის მხრიდან 11 წლის წინ ინტენსიურ ძალადობაზე „რუსთავი 2“-ის გადაცემა „ფარულ კონვერტში“ ისაუბრა. საკითხთან დაკავშირებით, მაყაშვილი შინაგან საქმეთა სამინისტროში გამოკითხვაზე დაიბარეს, თუმცა ის გამოკითხვაზე მისვლას არ აპირებს. თავად ბესო ზანგური ყოფილ მეუღლეზე ძალადობას კატეგორიულად უარყოფს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.