30 სექტემბერი, 2012 - „ქართული ოცნების" მომხრე მამა-შვილი "ნაციონალურ მოძრაობას" შავ სიაში ჰყავს

ქართული ოცნების" მომხრე მამა-შვილი "ნაციონალურ მოძრაობას" შავ სიაში ჰყავს შეყვანილი და მოკვლით ემუქრებიან - სიღნაღი კოალიცია "ქართული ოცნების" წევრების, აკაკი ნანობაშვილისა და ნუკრი მოსულიშვილის განცხადებით, ისინი "ნაციონალური მოძრაობის" აქტივისტებმა სცემეს. ნუკრი მოსულიშვილი სოფელ მაჩხაანში ღამით სცემეს, აკაკი ნანობაშვილი კი წნორში-"ნაციონალური მოძრაობის" ოფისთან. ორივე დაზარალებული „არქიმედეს კლინიკაში" მოათავსეს. ნანობაშვილი ცემაში სიღნაღის საკრებულოს თავმჯდომარის მოადგილე კონსტანტინე ჯანელიძეს ადანაშაულებს. ნუკრი მოსულიშვილის მამის, თემურ მოსულიშვილის განცხადებით, მისი შვილი ქვემო მაჩხაანში 8 ადამიანმა უმოწყალოდ სცემა. "ქართული ოცნების" ადვოკატ ვარლამ ხათრიძის განცხადებით, კლინიკის დირექტორმა ნიკოლოზ ყარალაშვილმა და მკურნალმა ექიმმა ზაქარია გზირიშვილმა ადვოკატებს დაუმალეს, რომ საავადმყოფოში იმყოფებოდნენ "ნაციონალური მოძრაობის" აქტივისტები, რომ მათი დაცვის ქვეშ მყოფები ადვოკატების გარეშე დაიკითხნენ, რისი უფლებაც არ ჰქონდათ და რომ მათ საეჭვო ქმედებებს პროკურატურაში გაასაჩივრებენ. კლინიკის დირექტორის, ნიკოლოზ ყარალაშვილის თქმით, ორივე დაზარალებული პაციენტის მდგომარეობა სტაბილურია. http://info9.ge/?l=G\u0026m=1000\u0026id=6203