ვინ იდგა „ოცნების“ სახალხო შეკრებაზე?

29 აპრილს, მმართველმა პარტია „ქართულმა ოცნებამ“ საქართველოს რეგიონებიდან თბილისში ათასობით მოქალაქე ჩამოიყვანა „აგენტების კანონის“ მხარდასაჭერად და „საერთო სახალხო შეკრების“ სახელით გამართა კონტრაქცია იმ უწყვეტი ხალხმრავალი პროტესტისა, რომელიც „აგენტების კანონის“ წინააღმდეგ, დედაქალაქში, ბოლო ორი კვირაა იმართება. საქართველოს თითქმის ყველა კუთხიდან დაძრული ათობით დიდი ავტობუსი და სამარშრუტო ტაქსები თბილისში შუადღისას გამოჩნდა და თითქმის ყველა ცენტრალური ავტოსადგომი დაიკავა. პარლამენტის შენობის წინ, მმართველი პარტიის მიერ ორგანიზებულ „სახალხო შეკრებაზე“, რომლის ლოზუნგიც იყო „ღირსებით ევროპისკენ“, "ქართული ოცნების" საპატიო თავმჯდომარე ბიძინა ივანიშვილიც გამოჩნდა და ხალხს სიტყვით მიმართა. დაახლოებით ორსაათიანი ხალხმრავალი შეკრება მმართველი გუნდის ლიდერების გამოსვლების დასრულებისთანავე რამდენიმე წუთში დაიშალა და ხალხით სავსე ათობით ტრანსპორტი გზას ისევ რეგიონებისკენ გაუდგა. -- 🔸 მეტი ახალი ამბავი, ანალიზი, ინტერვიუები და ბევრი სხვა ნახე ჩვენს საიტზე 👉🏻 https://www.radiotavisupleba.ge გამოგვყევი 👇🏻 Youtube-ზე 👉🏻 http://tinyurl.com/5ek3z4e3 Facebook-ზე 👉🏻 http://tinyurl.com/yc84b2x3 Instagram-ზე 👉🏻 http://tinyurl.com/2cb8w3wp TikTok-ზე 👉🏻 http://tinyurl.com/3skhv3ws Threads-ზე 👉🏻 http://tinyurl.com/bddphfyp