20 ივნისის პოლიტიკური შეფასება და დაგეგმილი აქცია

წინასაარჩევნო პოლიტიკურ ტემპერატურას კიდევ უფრო მაღლა სწევს მოახლოებული 20 ივნისი. პირველ არხთან ინტერვიუს დროს პრემიერმა ერთი წლის წინ პარლამენტში და პარლამენტის წინ განვითარებული მოვლენები საკანონმდებლო ორგანოს შტურმით აღების მცდელობად შეაფასა. განცხადებას უმწვავესი რეაქციები მოჰყვა ოპოზიციური ძალების მხრიდან, რომლებიც 2019 წლის 20 ივნისს, მაშინდელ შინაგან საქმეთა მინისტრს და ახლა უკვე პრემიერს მომიტინგეთა მიმართ ძალის არაპროპორციულად გამოყენებაში ადანაშაულებენ. საკუთარ პროტესტს ოპოზიცია ერთი წლის თავზე მოძრაობა „სირცხვილიას“ მიერ დაანონსებულ აქციაზე დააფიქსირებს და კიდევ ერთხელ მოითხოვს იმ პირთა დასჯას, რომლებიც მათივე თქმით, რუს დეპუტატ გავრილოვის ჩამოყვანაზე და აქციის მონაწილეთა დაშავებაზე არიან პასუხისმგებელნი. ინფორმაციას, რომ ამ დღეს „ქართული ოცნება“ კონტრაქციას გეგმავს, მმართველი გუნდი ოპონენტების მიერ მიზანმიმართულად გავრცელებულ ყალბ ამბად აცხადებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.