პაციენტების ჯანმრთელობის მდგომარეობა ქუთაისსა და გორში

ქუთაისის ახალი ინფექციური საავადმყოფოდან ლუგარის ლაბორატორიაში კვლევისთვის, დილით, კორონავირუსთან დაკავშირებით, ხუთი პაციენტის ანალიზები გაგზავნეს. კლინიკის მთავარი ექიმის თქმით, პაციენტების ჯანმრთელობის მდგომარეობა დამაკმაყოფილებელია და ამ დროისთვის სხეულის ტემპერატურა 38 გრადუსი, მხოლოდ ერთ პაციენტს აღენიშნება. ყველა მათგანს შესაბამისი მკურნალობა უტარდება. ყველა პაციენტი იტალიიდანაა ჩამოსული. გორის სამხედრო ჰოსპიტალის საკარანტინო ზონაში კი 20 პაციენტი რჩება. ჰოსპიტალიდან ლუგარის ლაბორატორიაში გაგზავნილი ათი ნიმუშიდან, კორონავირუსზე ყველა უარყოფითია. გორის სამხედრო ჰოსპიტალში დაკვირვებისა და პრევენციის მიზნით, სამი სამხედრო პირი, ირანის ხუთი მოქალაქე და საქართველოს 12 მოქალაქე ბოქსირებულ განყოფილებაში ორი კვირის განმავლობაში დარჩებიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.