ჯიშკარიანს აღკვეთის ღონისძიება შეეფარდა

სასამართლო პროცესი საავადმყოფოში. ისნის რაიონის საკრებულოს მაჟორიტარ დეპუტატ ილია ჯიშკარიანს აღკვეთის ღონისძიებად 10 000 ლარიანი გირაო შეეფარდა. პროკურატურა ბრალდებულისთვის სწორედ გირაოს შეფარდების შუამდგომლობით წარსდგა, რაც მოსამართლემ გაითვალისწინა. გირაოზე პროკურატურის შუამდგომლობას დაეთანხმა დაცვის მხარეც. „ქართული ოცნების“ ბრალდებულ დეპუტატს სასამართლო განხილვების დასრულებამდე ასევე აეკრძალა დაზარალებულთან მიახლოება და მოწმეებთან კომუნიკაცია. საქმეში დაზარალებულად ცნობილი თამთა თოდაძის ადვოკატი მიიჩნევს, რომ საკრებულოს დეპუტატისთვის შეფარდებული გირაო ვერ უზრუნველყოფს აღკვეთის ღონისძიებებს. საკრებულოს დეპუტატი წარდგენილ ბრალს არ აღიარებს. საკრებულოს თანამშრომელი მას სექსუალურ ძალადობასა და ცემაში ადანაშაულებს. გამოძიებამ თამთა თოდაძე დაზარალებულად ცნო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.