„ნამახვანჰესის“ პროექტის მომავალი

„ნამახვანჰესის“ ინვესტორი კომპანიის მორიგი შეთავაზება ჰესის აშენების მოწინააღმდეგეებს. მასშტაბური ენერგეტიკული პროექტის გარშემო არსებული კითხვების მოსახსნელად „ენკა“ საინფორმაციო კამპანიის ჩატარებას აპირებს. გეგმაშია არა მხოლოდ აქციების მონაწილეებთან შეხვედრა, არამედ დისკუსია ყველა დაინტერესებულ პირთან. განხილვის საგანი იქნება სადავო ხელშეკრულების დეტალები, გარემოზე ზემოქმედების შეფასების მიზნით ჩატარებული კვლევები და მიწის საკითხიც. თუმცა, რიონის ხეობაში მიმდინარე აქციების ერთ-ერთი ორგანიზატორი ინვესტორის შეთავაზებას არ იღებს. შექმნილ ვითარებაზე ჰესის მოწინააღმდეგეები პასუხისმგებლობას სახელმწიფოს აკისრებენ და კითხვებზე პასუხებსაც სწორედ მისგან ელოდებიან. პარალელურად მზადება მიმდინარეობს მაისის ბოლოს დაგეგმილი აქციისთვის. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.