გორში ქუჩაში მამაკაცი ცუდად გახდა და გარდაიცვალა

30.11.2020 04:10

Trialeti TV

არხი

ეწვიეთ ტელეკომპანია ,,თრიალეთის" ოფიციალურ საიტს http://trialeti.ge გორში, სტალინის ქუჩაზე მამაკაცი მოულოდნელად გარდაიცვალა. როგორც თვითმხილველები ამბობენ, იგი შეუძლოდ გახდა და გონება დაკარგა. მათივე თქმით, სასწრაფო- სამედიცინო დახმარებას მომხდარიდან მალევე დაუკავშირდნენ, მაგრამ ისინი დროულად არ გამოჩენილან. საზგადოებისათვის ამ დრომდე უცნობია გარდაცვლილი მამაკაცის ვინაობა. სასწრაფო სამედიცინო დახმარების ბრიგადა შემთხვევის ადგილას მაშინ გამოჩნდა, როდესაც შეუძლოდ მყოფი მმაკაცი უკვე გარდაცვლილი იყო. ექიმის განცხადებით, ამ დროისათვის, სამედიცინო დახმარების თანამშრომლები კორონავირუსით არიან ინფიცირებული და მუნიციპალიტეტს მხოლოდ 3 ბრიგადა ემსახურება. შესაბამისად, ის, რომ სტალინის ქუჩაზე მამაკაცის სიციცხლის გადარჩენა ვერ მოხერხდა, სწორედ ამ გარემოებითაა განპირობებული. ''თრიალეთი'' შინაგან საქმეთა სამინისტროს დაუკავშირდა სადაც განაცხადეს, რომ მომხდარზე გამოძიება 115-ე მუხლით დაიწყო.

გაზიარება: