უვადო მოსამართლეობის კანდიდატების მოსმენა

წარსული და დღევანდელი საქმიანობის გამო დეპუტატების წინაშე განმარტებების გაკეთება მოსამართლეობის კიდევ ერთ კანდიდატს მოუხდა. პარლამენტში ამჯერად მოქმედი გენერალური პროკურორის მოადგილეს, მამუკა ვასაძეს მოუსმინეს. თანამდებობრივი სტატუსიდან გამომდინარე კანდიდატის მისამართით განსაკუთრებით მაღალი ინტერესი იყო. ოპონენტებმა საგამოძიებო უწყების მაღალჩინოსანი პოლიტიკურ მიკერძოებაში დაადანაშაულეს. ოპოზიციამ ვასაძეს ფინანსთა სამინისტროს საგამოძიებო სამსახურში გატარებული წლები და რამდენიმე გახმაურებული საქმეც შეახსენა. ამ უწყებაში ის წინა და მოქმედი ხელისუფლების დროსაც მუშაობდა. კითხვები დაისვა „ქართული ოცნების“ წევრების მხრიდანაც, თუმცა უმცირესობამ უმრავლესობას სიმწვავის ხარისხი დაუწუნა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.