სააკაშვილის გზავნილი და რევოლუციური სცენარი

ქართული პოლიტიკისგან ჯერ დისტანცირებული და ახლა საკმაოდ გააქტიურებული მიხეილ სააკაშვილი მხარდამჭერებს ახალი გზავნილებით მიმართავს. საბიუჯეტო სახსრების გაფლანგვის საქმეზე მიმდინარე სასამართლო პროცესზე ექს-პრეზიდენტი დისტანციურად ჩაერთო და ჩართვა ამჯერადაც პოლიტიკური განცხადებებისთვის და საკუთარი თავის სამართლებლად გამოიყენა. ყოფილი პრეზიდენტი ბრალდებას უარყოფს, მისი მმართველობის პერიოდთან დაკავშირებული არამიზნობრივი ხარჯების ნაწილს კი მიზნობრივად აცხადებს. კლინიკაში მყოფი სააკაშვილი საკუთარ თავს არა მხოლოდ საქართველოს, არამედ მსოფლიო მასშტაბით ანტიკორუფციული მოძრაობის სიმბოლოდ მიიჩნევს და პარალელებს ავლებს რუს ოპოზიციონერ ლიდერ ალექსეი ნავალნისთან. ექს-პრეზიდენტმა დღეს ირიბი მინიშნებები მისი გათავისუფლების გზებზეც გააკეთა. ეს გზა ამ ეტაპზე მხოლოდ შეწყალებაზე გადის მიხეილ სააკაშვილის გუნდისთვის, რომელიც ამ მიზნით ხელმოწერებს აგროვებს და პრეზიდენტისადმი მოწოდებებს ააქტიურებს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.