ავთანდილ ხურციძის სასამართლო პროცესი

ავთანდილ ხურციძის სასამართლო პროცესი ამერიკის შეერთებულ შტატებში. საქმის განხილვას და განაჩენის გამოცხადებას „მოამბის“ ჟურნალისტი მარიამ ცარელაშვილი დაესწრო. სხდომის დასრულების შემდეგ კომენტარი არც დაცვის და არც ბრალდების მხარეს არ გაუკეთებია. მსოფლიო ჩემპიონი კრივში ავთანდილ ხურციძე ამერიკის შეერთებული შტატების ციხეში 10 წელს გაატარებს, ასეთია მოსამართლის გადაწყვეტილება. ბოლო პროცესზე, სადაც ხურციძის საქმეზე გადაწყვეტილება უნდა გამოცხადებულიყო, დაცვის მხარემ მოკრივისთვის მინიმალური სასჯელი და საქართველოში დეპორტაცია მოითხოვა, რასაც ბრალდების მხარე არ დაეთანხმა. სასჯელის გარდა, მოსამართლის გადაწყვეტილებით, გათავისუფლების შემდეგ, ხურციძეს კიდევ 2 წელი, სამართალდამცველების მეთვალყურეობის ქვეშ მოუწევს ყოფნა. მოსამართლემ მსჯავრდებულს საკუთარი საბანკო ანგარიშიდან, რომელიც გაყინული იყო და მასზე 60 ათასი დოლარი ირიცხება, ჯარიმის სახით 15%-ის გადახდაც დააკისრა. ავთანდილ ხურციძის ადვოკატებს განაჩენის გასაჩივრებისთვის 14-დღიანი ვადა აქვთ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.