თქვენ ხართ დამნაშავე, კრიმინალი, რომელსაც აუცილებლად დაადებენ ხელბორკილებს - მელია გახარიას

(ახალი ამბები 02.05.2019) „ნაციონალური მოძრაობის“ ერთ-ერთი ლიდერის, ნიკა მელიას შეფასებით, ერთ-ერთი მთავარი უწყების ხელმძღვანელს გიორგი გახარიას არც ერთ შეკითხვაზე პასუხი არ აქვს. ნიკა მელიამ მინისტრის საათის ფორმატის ფარგლებში პარლამენტის პლენარულ სხდომაზე მყოფ შს მინისტრს ბოლო წლებში მომხდარი გახმაურებული დანაშაულები ჩამოუთვალა და ამ საქმეების გამოუძიებლობის გამო მას პასუხისმგებლობა დააკისრა. განცხადებით, მას შემდეგ, რაც გახარია შს მინისტრად დაინიშნა, გაუარესდა სიტუაცია სხვადასხა მიმართულებით, სადაც მინისტრის პასუხისმგებლობის საკითხი დგება. „თქვენ არ ხართ შს მინისტრი, ხართ კრიმინალი გახარია, რომელსაც მალე დაადებენ ხელბორკილებს“ - განუცხადა მელიამ გახარიას და თან გააფრთხილა, რომ მომავალში მას ივანიშვილი არ დაიცავს. „სანამ სარკაზმით ისაუბრებდეთ, იმ უმტკივნეულო საკითხებზე, რაც ასიათასობით ადამიანს აწუხებს, კარგად დაფიქრდით! რაც მინისტრი ხართ 55 პროცენტით გაიზარდა კრიმინალი. 90 პროცენტით არის გაზრდილი ქრთამის აღება საჯარო სამსახურებში. ამ ყველაფერზე მოგიწევთ პასუხისგება. ასეთი დათრგუნული, დაღლილი, ილაჯგამოლეული შს მინისტრი, რომელსაც არანაირი პასუხი არ გააჩნია, არის საშიში სახელმწიფოსთვის“ - განუცხადა ნიკა მელიამ შს მინისტრს. გამოიწერეთ ჩვენი არხი და იყავით აქტუალური მოვლენების ეპიცენტრში: https://goo.gl/anfTFi