მსოფლიო 2020 წელს ემშვიდობება

მსოფლიო 2020 წელს ემშვიდობება და უკეთესის იმედით 2021 წელს ეგებება. მასშტაბური ფოირვერკშოუთი აღნიშნეს ახალი წლის დადგომა ავსტრალიაში. სიდნეიმ ტრადიციას არც ამჯერად უღალატა. ეპიდემიოლოგიური ვითარების გათვალისწინებით, ქვეყნის მთავრობამ მოსახლეობას სახლებში დარჩენისკენ მოუწოდა. ავსტრალიაში შეკრებებსა და გადაადგილებებზე შეზღუდვებია დაწესებული. მანამდე კი ახალი წელი ახალ ზელანდიაში იზეიმეს, სადაც 2021 წელს ასევე ფოერვერკის შოუთი შეხვდნენ. ახალი წელი პირველებმა ტონგას, სამოასა და შობის კუნძულების მცხოვრებლებმა აღნიშნეს. შემდეგი, სადაც ახალი წლის დადგომას ელოდებიან, იაპონიაა. მოსახლეობას სადღესასწაულო განწყობის შესაქმნელად ხელს თოვლიანი ამინდი უწყობს. თუმცა, ისევე როგორც მსოფლიოს არაერთ ქვეყანაში, იაპონიაშიც, ებრძვიან კორონავირუსის მესამე ტალღას. ქვეყნის პრემიერ-მინისტრი მოსახლეობას ახალი წლის პერიოდის მშვიდად გატარებისკენ მოუწოდებს. პლანეტაზე ყველაზე ბოლოს,  2021 წელს ბეიკერისა და ჰოულენდის კუნძულებზე იზეიმებენ. კოვიდ-19-ის პრევენციის მიზნით დაწესებული შეზღუდვები გამო, ადამიანები ახალ წელს განსხვავებულ რეალობაში ხვდებიან. ის რაც დღეს მსოფლიო მოსახლეობას აერთიანებს - იმედი და მოლოდინია, რომ 2021 წელს შეძლებენ დაუბრუნდნენ ცხოვრების ჩვეულ რიტმს.   ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.