კონკურსი ორი სალიტერატურო და ერთი საბავშვო ჟურნალის გამოსაცემად

24 იანვარს, საქართველოს კულტურისა და ძეგლთა დაცვის სამინისტროში გაიმართა ბრიფინგი, რომელზეც გამოცხადდა კონკურსი 2 სალიტერატურო და ერთი საბავშვო ჟურნალის გამოსაცემად. ბრიფინგს საქართველოს კულტურისა და ძეგლთა დაცვის მინისტრი მიხეილ გიორგაძე და საქართველოს მწერალთა სახლის დირექტორი ნატალია ლომოური გაუძღვნენ. კონკურსში მონაწილეობის მიღება შეუძლია სალიტერატურო პერიოდიკის გამოცემით დაკავებულ ყველა იურიდიულ პირს. კონკურსის პირობები და საკონკურსოდ წარსადგენი დოკუმენტაცია 26 იანვარს სამინისტროს ვებ-გვერდზე www.culture.gov.ge და საქარველოს მწერალთა სახლის ვებ-გვერდზე www.writershouse.ge დაიდება. კონკურსში გამარჯვებულ ორ ლიტერატურულ და ერთ საბავშვო ჟურნალს საქართველოს კულტურისა და ძეგლთა დაცვის სამინისტრო ერთი წლის განმავლობაში დააფინანსებს. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045